ಬೆದ್ರ ಅಡ್ವೆಂಚರ್ಸ್ ಕ್ಲಬ್- ತ್ರಿಭುವನ್ ಆಟೋಮೋಟಿವ್ ಸ್ಪೋರ್ಟ್ಸ್ ಕ್ಲಬ್ ವಿಲೀನ: ಅಟೋ-ಎಕ್ಸ್ 2026 ಕೃತಜ್ಞತಾ ಸಭೆಯಲ್ಲಿ ಘೋಷಣೆ

ಮೂಡುಬಿದಿರೆ: Auto-X 2026 ಮೂಡುಬಿದಿರೆ ಕಾರ್ಯಕ್ರಮದ ಭರ್ಜರಿ ಯಶಸ್ಸಿನ ಹಿನ್ನೆಲೆಯಲ್ಲಿ ಯಶಸ್ಸು ಹಾಗೂ ಕೃತಜ್ಞತಾ ಸಭೆಯನ್ನು ಗುರುವಾರ ನಡೆಸಲಾಯಿತು. ಈ ಸಭೆಯಲ್ಲಿ ಕಾರ್ಯಕ್ರಮದ ಯಶಸ್ಸಿಗೆ ಕಾರಣರಾದ ಪ್ರಾಯೋಜಕರು, ಮಾಧ್ಯಮ ಹಾಗೂ ಪತ್ರಿಕಾ ಪ್ರತಿನಿಧಿಗಳು, ಸಾಮಾಜಿಕ ಮಾಧ್ಯಮ ಇನ್‌ಫ್ಲೂಯೆನ್ಸರ್‌ಗಳು, ವಿಷಯ ಸೃಜನಶೀಲರು ಹಾಗೂ ವಿವಿಧ ವಿಭಾಗಗಳ ಸದಸ್ಯರಿಗೆ ಗೌರವ ಸಲ್ಲಿಸಲಾಯಿತು.

2012ರಲ್ಲಿ ಸ್ಥಾಪಿತವಾದ Bedra Adventures Club (BAC) ತನ್ನ ಎಲ್ಲಾ ಯುವ ಸದಸ್ಯರೊಂದಿಗೆ Tribhuvan Automotive Sports Club (TASC) ಜೊತೆಗೆ ವಿಲೀನಗೊಳ್ಳುವ ಮಹತ್ವದ ನಿರ್ಧಾರವನ್ನು ಘೋಷಿಸಿತು. ಮುಂದಿನ ದಿನಗಳಲ್ಲಿ ಎರಡೂ ಕ್ಲಬ್‌ಗಳು ಒಂದು ತಂಡವಾಗಿ ಹಿರಿಯ ಸದಸ್ಯರ ಮಾರ್ಗದರ್ಶನದಲ್ಲಿ ಕಾರ್ಯನಿರ್ವಹಿಸಲಿವೆ ಎಂಬ ಮಹತ್ವದ ಘೋಷಣೆಯನ್ನು ಈ ಸಭೆಯಲ್ಲಿ ಮಾಡಲಾಯಿತು.

ಹಿರಿಯ ಸದಸ್ಯರಾದ Prathap ಅವರು BAC ತೆಗೆದುಕೊಂಡ ಈ ನಿರ್ಧಾರವನ್ನು ಸ್ವಾಗತಿಸಿ, Auto-X 2026 ಯಶಸ್ಸಿಗೆ ಸಹಕರಿಸಿದ ಎಲ್ಲರಿಗೂ ಧನ್ಯವಾದ ತಿಳಿಸಿದರು. Kuldeep M ಅವರು TASC ಹಾಗೂ BAC ಒಗ್ಗೂಡಿ ಒಂದೇ ತಂಡವಾಗಿ ಕಾರ್ಯನಿರ್ವಹಿಸುವ ನಿರ್ಧಾರಕ್ಕೆ ಸಂತಸ ವ್ಯಕ್ತಪಡಿಸಿದರು ಹಾಗೂ ಈ ಬೆಳವಣಿಗೆ ಮೂಡುಬಿದಿರಯ ಮೋಟಾರ್ ಸ್ಪೋರ್ಟ್ಸ್'ನ ಬೆಳವಣಿಗೆಗೆ ಬಹಳ ಸಹಕಾರಿಯಾಗಲಿದೆ ಎಂದು ತಿಳಿಸಿದರು. ಅಬು ಅಲಾ ಅವರು ಸಹ ಎಲ್ಲ ಬೆಂಬಲಿಗರಿಗೆ ಹಾಗೂ ಸಹಕರಿಸಿದವರಿಗೆ ಕೃತಜ್ಞತೆ ಆರ್ಪಿಸಿದರು.

ಭವಿಷ್ಯದ ಯೋಜನೆ ಹಾಗೂ ಬೆಳವಣಿಗೆ ಕುರಿತು ಮಾತನಾಡಿದ Abijeeth M ಅವರು ಎರಡೂ ಕ್ಲಬ್‌ಗಳನ್ನು ಅಧಿಕೃತವಾಗಿ ನೋಂದಣಿ ಮಾಡಿ, ಮುಂದಿನ ದಿನಗಳಲ್ಲಿ ಹೆಚ್ಚಿನ ಮೋಟಾರ್‌ಸ್ಪೋರ್ಟ್ ಕಾರ್ಯಕ್ರಮಗಳನ್ನು ಆಯೋಜಿಸುವ ಉದ್ದೇಶವನ್ನು ಇಟ್ಟುಕೊಂಡಿರುವುದಾಗಿ ತಿಳಿಸಿದರು. ಇದರ ಜೊತೆಗೆ ಮೂಡುಬಿದಿರೆಯಲ್ಲಿ INRC ಲೆಗ್ ಆಯೋಜಿಸುವ ಕನಸನ್ನೂ ವ್ಯಕ್ತಪಡಿಸಿದರು.

ಈ ಸಭೆಯನ್ನು ಸಂಯೋಜಿಸಿದ ಹಾಗೂ ನಿರೂಪಿಸಿದ Akshay K Jain ಅವರು BAC-TASC ವಿಲೀನವನ್ನು ಅಧಿಕೃತವಾಗಿ ಘೋಷಿಸಿದರು, ಹಾಗೂ ರಾಷ್ಟ್ರೀಯ ಮಟ್ಟದ ಮೋಟಾರ್‌ಸ್ಪೋರ್ಟ್ ಕಾರ್ಯಕ್ರಮಗಳನ್ನು ಮೂಡುಬಿದಿರೆಯಲ್ಲಿ ಆಯೋಜಿಸಿ, ಇಲ್ಲಿನ ಮೋಟಾರ್‌ಸ್ಪೋರ್ಟ್ ಪರಂಪರೆಯನ್ನು ಮುಂದುವರಿಸುವ ಸಂಕಲ್ಪವನ್ನು ವಿವರಿಸಿದರು.

ಸಭೆಯಲ್ಲಿ ಎಲ್.ಆರ್. ರಿಜ್ವಾನ್, ಇಮ್ರಾನ್ ಮೂಡುಬಿದಿರೆ, ಆರಿಫ್, ಚಾ. ಗಫೂರ್, ಅರ್ಷಾದ್, ಯತಿರಾಜ್, ಧೀರಜ್, ಯಾಸೀರ್, ರಾಹುಲ್ ಹೆಗ್ಡೆ, ದೀಪಕ್, ಫಝೀಲ್, ಪವನ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು. ಈ ಸಭೆ ಏಕತೆ, ಕೃತಜ್ಞತೆ ಹಾಗೂ ಮೂಡುಬಿದಿರೆಯನ್ನು ಮೋಟಾರ್‌ಸ್ಪೋರ್ಟ್‌ನ ಪ್ರಮುಖ ಕೇಂದ್ರವನ್ನಾಗಿ ರೂಪಿಸುವ ಸಂಕಲ್ಪದೊಂದಿಗೆ ಸಂಪನ್ನಗೊಂಡಿತು.